Sistemi limfatik ndihmon në rigjenerimin e flokëve, pasi është në gjendje të stimulojë qelizat staminale që rrethojnë rrënjët e flokëve, ndërkohë që largon edhe toksinat.
Kjo është vërtetuar nga një studim i kryer nga universiteti amerikan Rockfeller dhe është publikuar në revistën Shkenca. Autorët kanë zbuluar se qelizat staminale mund të stimulojnë rigjenerimin e flokëve, ashtu si edhe atë të lëkurës, duke vepruar mbi qeliza të tjera staminale.
Pra sipas autorëve të studimit, ato komunikojnë mes tyre nëpërmjet sistemit linfatik dhe gjithçka është e ndërtuar në një rrjet të sofistikuar që ndikon në rigjenerimin e sinkronizuar të flokëve, shkruan Klan Plus.
Staminalet e flokëve kontrollojnë sjelljen e kapilarëve limfatikë, duke çliruar molekula që veprojnë si çelës për të ndezur apo fikur fluksin e sistemit limfatik.
Zbulimi është mjaft i rëndësishëm për krijimin e terapive të reja kundër rënies së flokëve apo rigjenerimin e indeve pas një plage të pësuar.
