Strategjia e përbashkët e zhvillimit e njohur edhe si formimi i të ashtuquajturit shengeni i vogël, do të jetë në qendër të takimit të kryeministrave të Shqipërisë, Maqedonisë së Veriut dhe Serbisë në fillim të tetorit në Beograd.
"Së bashku ne mund të jemi më konkurrues qoftë në marrëdhënie me BE-në, qoftë në tregjet botërore", tha zv/kryeministrja serbe, Zorana Mihajlovic, ndërsa shtoi se vendet e Ballkanit janë shumë të vogla për të tërhequr investitorë ndërkombëtarë.
Mihajlovic nënvizon se do të ketë përfitime për vendet e Ballkanit Perëndimor nëse ato harmonizojnë politikat infrastrukturore. Ndërsa komuniteti i transportit i cili u hap së fundi në Beograd mund t'i mbështesë këto përpjekje.
Të martën, Presidenti serb Aleksandër Vuçiç u takua me kryeministrat e Shqipërisë dhe Maqedonisë së Veriut, më të cilët bisedoi për tërheqjen e një sërë pengesash për bizneset dhe diskutuan për lëvizjen e lira të mallrave, njerëzve dhe shërbimeve në Ballkan.
