Ish-kryeministri i Maqedonisë së Veriut, Nikolla Gruevski, po shijon ditët e tij të azilit në Hungari. I dënuar me dy vite burg nga gjykatat e vendit, të arratisurit Gruevski nuk po i mungon fare jeta larg vendlindjes.
Kohë pas kohe lëshon ndonjë mesazh politik, sa për të provokuar debat në Maqedoninë e Veriut dhe sa për t'iu kujtuar të gjithëve se ai është ende "këtu".
Së fundmi, një sërë fotografish të shkrepura nga një event i Odës Ekonomike Italiane në Hungari, tregojnë Gruevskin në formë, të shoqëruar nga figura të njohura hunngareze, madje edhe me njërën nga vajzat që duket se ka marrë vëmendjen e të pranishmëve, shkruan ‘botasot’.
Gruevski siç duket ka filluar të ambientohet dhe përshtatet mirë në jetën publike të shtetit hungarez dhe kjo siç duket i paska bërë mirë, duke e parë nga fotografitë ku vërehet qartë disponimi dhe forma e tij.
