Madonna është një diva e vërtetë dhe jo më kot njihet ndryshe si mbretëresha e muzikës pop. Dhe Madonna kujdeset që të bjerë në sy kudo që shkon me sjelljen e saj prej mbretëreshe. Një person pranë këngëtares së famshme, tregon kërkesat e saj të çmendura dhe sa e vështirë është të qëndrosh pranë Madonnës.
Disa ditë më parë Madonna u ankua se nuk mund të shkonte në tualetin e avionit pasi dyshemeja ishte shumë e ftohtë. Ajo këmbënguli për minuta të tëra të ngrohej, por piloti i tha me mirësjellje që kjo nuk ishte e mundur për momentin. Nëse do të plotësohej dëshira e saj, ai do të kishte problem me drejtimin e avionit. Megjithatë Madonnës nuk i interesoi.
Sa i përket hotelit ku qëndron Madonna, diva ka disa kërkesa edhe për suitën ku do të kalojë natën. Ajo do të ketë piano të madhe dhe kërkon që dhoma të jetë e mbushur plotë me trëndafila rozë, kërkon një djathë shumë të veçantë, avokado dhe fruta të sezonit të gjitha të dekoruara bukur.
