Pas lajmit se Holanda ka dorëzuar sot zyrtarisht në Komisionin Europian projekt-rezolutën për rikthimin e vizave për shqiptarët, ka reaguar ambasada holandeze në vendin tonë.
Në deklaratën për shtyp, ambasada hungareze sqaron se ky vendim vjen për shkak të shqetësimeve në lidhje me krimin e organizuar. Ambasada thotë se derisa të ketë një përgjigje nga Komisioni Europian, shqiptarët do të vazhdojnë të lëvizin lirshëm
DEKLARATA E PLOTË
Parlamenti Holandez i kërkoi Qeverisë holandeze në datën 16 prill të aktivizonte mekanzimin e pezullimit të vizave për Shqipërinë për shkak të shqetësimeve në lidhje me krimin e organizuar.
Për ta ekzekutuar këtë mocion, qeveria Holandeze i dërgoi një letër njoftuese Komisionit Europian në datën 31 Maj.
Në këtë letër, Komisionit i kërkohet të shqyrtojë informacionin e dërguar nga Holanda dhe në konsultim me vendet anëtare të vendosë në lidhje me nevojën për të vepruar.
Holanda e vlerëson bashkëpunimin konstruktiv dhe të vazhdueshëm me qeverinë dhe autoritetet shqiptare në luftën kundër krimit të organizuar. Të dyja vendet po punojnë në fuqizimin e mëtejshëm të këtij bashkëpunimi.
Në vijim të letrës njoftuese, Komisioni Europian do të vlerësojë nëse do të ketë nevojë për të ndërmarrë veprim. Komisoni do të informojë Parlamentin Europian dhe Këshillin Europian mbi rezultatet e këtij vlerësimi.
Deri në një njoftim tjetër, politika e vizave për nënshtetasit shqiptarë do të mbetet e njëjtë: qytetarët shqiptarë mbajtës të një pashaporte biometrike nuk kanë nevojë për viza për të udhëtuar në zonën Shengen për maksimumi 90 ditë brenda një periudhe prej 180 ditësh.
