Arrestohet vrasësi i ish-policit Bilali, i forti i “Myslym Shyrit”

Arrestohet vrasësi i ish-polivit, Arben Bilalit, ekzekutuar më 30 janar në Tiranë.

Sektori i Hetimit të Krimeve Ndaj Jetës dhe Pronës, në D.V.P.Tiranë, në bashkëpunim me  Prokurorinë e Rrethit Gjyqësor Tiranë,  në lidhje me ngjarjen e ndodhur në datë 30.01.2019, ku në rrugën ‘’Isuf Banka’’ në Tiranë,  është vrarë me armë zjarri shtetasi Arben Bilali, 50 vjeç, pas një pune të mirëorganizuar është arritur të bëhet zbulimi dhe dokumentimi ligjor i kësaj ngjarjeje, ku është bërë kapja dhe  ndalimi i autorit të dyshuar.

Autori i dyshuar është Gjergj Cukali 40 vjeç, i njohur ndryshe si “i forti i rrugës Myslym Shyri”. Cukali ka qenë i dënuar më parë për veprat penale të “Prodhimi dhe shitja e narkotikëve’”,  “Armëmbajtja  pa leje” dhe “Rrëmbim personi”.

Materialet në ngarkim të shtetasit Gj. C., iu referuan Prokurorisë së Rrethit Gjyqësor Tiranë, për veprat penale penale “Vrasje me paramendim e kryer në bashkëpunim” dhe “Prodhim dhe mbajtje pa leje te armeve luftarake”.