Tre alpinistë kanë humbur jetën për shkak të lodhjes kur po zbristin malin Everest, duke e çuar në shtatë numrin e të vdekurve përgjatë një jave.
Shifrat e personave që kanë humbur jetën në malin Everest janë të larta. Shtatë të vdekur në një javë, më shumë se shifra totale për gjithë vitin e kaluar. Nepali ka lëshuar 381 leje që kushtojnë 11 mijë dollarë secila për t’u ngjitur në malin më të lartë të botës në kulmin e sezonit të alpinizmit.
Të enjten në këtë mal humbën jetën alpinistët Kalpana Das 52 vjeç dhe Nihal Bagwan 27 vjeç. Organizatori i turneut, Keshav Paudel i tha agjencisë së lajmeve AFP se Bagwan ishte bllokuar në trafik për më shumë se 12 orë për shkak të numrit të madh të alpinistëve, dhe ishte rraskapitur.
Numri i alpinistëve që ngjiten në malin Everest për vitin 2019 mund të kalojë rekordin e një viti më parë, kur 807 persona morën pjesë në këtë turne. Për shkak të numrit në rritje të alpinistëve që ngjiten në Everest dhe humbasin jetën, është kufizuar dhënia e lejeve për të marrë pjesë në turne gjatë sezonit pranveror.
