Partia Socialiste mblodhi sot grupin parlamentar nën drejtimin e kryetarit Edi Rama.
Mësohet se kryefjalë e kryeministrit kanë qenë zgjedhjet vendore të 30 qershorit, ndërsa i prerë Rama ka qenë edhe në lënien e porosive ndaj të vetëve.
“Mos u provokoni. Regjistroni ata që mund të shkaktojnë incidente. Të provojmë që nuk jemi ne shkaktarë. Të denoncojmë këdo që cënon zgjedhjet. Çdo njeriu i duhet thënë që kush cënon apo dëmton procesin nuk shkel më në Amerikë apo vende të Bashkimit Europian”, mësohet të jetë shprehur kryeministri Rama, njëherësh kryetar i PS-së.
