Rreth dy vite pas vrasjes së 19-vjeçarit shqiptar, Xhoi Musaj në Gjermani është dënuar me burgim të përjetshëm një nga autorët e dyshuar të krimit.
Hetuesit thanë se provat tregojnë bindshëm përfshirjen e 47-vjeçarit në vrasje. Xhoi Musaj u vra me 8 goditje me çekiç në kokë
Viktima është vrarë me tetë goditje me çekiç në pjesën e pasme të kokës për shkak të hakmarrjes. Gjithçka nisi kur xhaxhai i viktimës vrau një person në Shqipëri në vitin 2000 dhe kjo solli një seri vrasjesh zinxhir për hakmarrje.
Sipas prokurorisë, 19-vjeçari u josh nga vrasësi në prill të vitit 2017, i cili e vrau duke e goditur me çekiç pas koke duke e hedhur në një liqen jo shumë larg Ulm.
Mbrojtja tha se klienti i tyre thjesht kishte bërë një shërbim për vrasësin e vërtetë- një ekzekutues profesionist me emrin ‘Don’. Por gjyqtari tha se kjo është e parëndësishme pasi të dy kanë vepruar me një qëllim të qartë, vrasjen e Musajt.
