Pas shkarkimit të Lindita Nushit nga detyra e drejtoreshës Rajonale e Kufirit dhe Migracionit në Durrës është emëruar Ndue Ndoci.
Mësohet se Ndoci është emëruar nga Drejtori i Përgjithshëm, Ardi Veliu.
Vendimi për shkarkimin e Nushit erdhi pak ditë pasi u arrestuan 6 kontrollorët e kufirit në Durrës. Gjashtë punonjësit e policisë u arrestuan në kuadër të operacionit të koduar "Kontrollori".
Sipas policisë, efektivët e portit, kundrejt ryshfetit, bënin të mundur kalimin e paligjshëm të personave me probleme, apo kategorisë së shtetasve që nuk u lejohet udhëtimi drejt zonës “Shengen”. Por ata u lanë të lirë nga gjykata pas arrestimit.
