Instituti i Gjeoshkencave bën me dije se nesër priten reshje mesatare në qarqet Shkodër, Kukës, Vlorë dhe Gjirokastër, të shoqëruara edhe me shtrëngata në disa raste.

Në qarqet Shkodër dhe Kukës reshjet pritet të arrijnë deri në lokalisht intensive. Në qarqet e tjera të territorit priten reshje të dobëta deri në lokalisht mesatare (siç tregohet në tabelë, respektivisht për secilin qark).

Në zonat malore mbi 800 m reshjet pritet të jenë në formën e dëborës.

TEMPERATURAT

Nesër temperaturat minimale dhe maksimale të ajrit pritet të arrijnë:

në bregdet: 8 / 13 °C

në vendet e ulëta: 7 / 12 °C

në vendet malore: 0 / 6 °C

ERA

Sot pasdite era pritet të fryjë e lehtë deri mesatare, ndërsa nesër  mesatare deri e fortë, kryesisht në pjesën perëndimore të territorit.