Presidenti i Kosovës, Hashim Thaçi ka pritur sot në një takim komandantin e KFOR-it, Lorenzo D’Addario, me të cilin ka komentuar situatën politike dhe të sigurisë në vend.
Thaçi shkruan në Facebook se, Kosova është mirënjohëse për kontributin e çdo ushtari që shërben në vend.
"Sapo zhvillova një takim me komandantin e KFOR-it, Lorenzo D’Addario, me të cilin bisedova për situatën politike dhe të sigurisë në Kosovë. Komandantin D’Addario e falënderova për përkushtimin e treguar të KFOR-it për ruajtjen e paqes dhe stabilitetit në vendin tonë. Jemi përjetësisht mirënjohës për kontributin e çdo ushtari që shërben në Kosovë."
