Naureda Llagami është zgjedhur kryetare e Këshillit të Lartë Gjyqësor, institucion që do të bëjë emërimet në drejtësi.
Ajo fitoi me 10 vota ndaj Fatmira Lulit dhe Alban Toros.
Ndërsa nënkryetar i Këshillit të Lartë Gjyqësor u zgjodh Maksim Qoku me 7 vota.
Dy gjyqtarët ishin Dritan Hallunaj dhe Brunilda Kadi nga Gjykata e Shkallës së Parë në Tiranë.
Anëtare për Këshillin e Lartë Gjyqësor ishin Ilir Toska nga Gjykata e Apelit dhe Marcela Shehu, gjyqtare e Gjykatës së Kurbinit.
Gjithashtu, pjesë e KLGJ-së, ishin edhe gjyqtarët Medi Bici dhe Brikena Ukperaj, të cilët u emëruan automatikisht më 12 dhjetor për shkak të mungesës së konkurrentëve. Bici vjen nga Gjykata e Lartë, ndërsa Ukperaj nga Gjykata e Apelit.
