MeteoAlb parashikon se këtë të martë vendi ynë do të kushtëzohet nga kthjellime dhe vranësira të shpeshta gjatë paradites. Më të theksuara vranësirat në zonat malore Lindore duke rrezikuar reshje të dobëta shiu e dëbore.

Ndërsa pasditja dhe mbrëmja do të mbeten pothuajse në të njëjtat kushte atmosferike ku reshjet e shiut dhe dëborës mbeten në zonat Lindore të Shqipërisë.

Temperaturat e ajrit do të ulen në mëngjes dhe mesditë duke luhatur vlerat ekstremale ditore nga -4°C deri në 14 °C. Era do fryjë mesatare me shpejtësi 30 km/h nga drejtimi verilindor duke krijuar në det dallgëzim deri në 2 ballë.