Psikologët nga Exeter dhe Universiteti i Canterburyt kanë ekzaminuar aftësitë njohëse të "mikut më të mirë të njeriut", në krahasim me kafshët e tjera, përfshirë këtu edhe macet.
Gjatë studimit, ekspertët konstatuan se qentë nuk kanë një nivel më të lartë inteligjencë se rivalët e tyre, macet, apo krijesat e tjera, shkruan "Daily Mail".
Studiuesit vëzhguan dhe përdoren të dhëna nga vëzhgimi i maceve, qenve, ujqërve, shimpanzeve, për të parë nëse posedonin ndonjë aftësi të veçantë. Ata zbuluan se aftësitë mendore të qenve nuk janë aq të jashtëzakonshme në krahasim me speciet e tjera.
Studimi, i udhëhequr nga Profesor Stephen Lea dhe Dr Britta Osthaus, u titullua “Njohja e Qenit në Kontekstin Krahasues”, dhe u botua në revistën shkencore “Learning and Behavior”.
