Një 16-vjeçar ka dalë para gjykatës, pasi akuzohet për vrasjen e një të miture. Viktorija Sokolova, 14 vjeçe është përdhunuar dhe më pas është vrarë më 11 prill në West Park, Wolverhampton, Britani.

Trupi i viktimës është gjetur në pyll nga një kalimtar, i cili ka njoftuar menjëherë policinë. Pas ekspertizës që i është bërë trupit të së miturës ka rezultuar se vdekja e saj ka ardhur nga një traumë që ka pësuar në kokë, pasi është përdhunuar.

16-vjeçari nuk mund të dënohet, pasi është ende i mitur, por mbi të rëndojnë një sërë akuzash të rënda. Gjykata ka thënë gjithashtu se do të marrë dëshminë e prindërve të vajzës, për të mësuar me shumë detaje rreth ngjarjes.