Djali i ish-deputetit socialist, Namik Dokle, Bleroni i ka dhënë fund beqarisë duke kurorëzuar me martesë dashurinë e tij me Ornela Belën.
Përveç festës së tyre familjare, ata kanë zhvilluar edhe një ceremoni zyrtare, teksa i janë betuar njëri-tjetrit për dashuri të përjetshme përpara kryetarit të Bashkisë së Tiranës, Erion Veliaj.
Ceremonia është zhvilluar në tarracën e gjelbër të Bashkisë Tiranë, dhe pjesë e saj ishin edhe familjarët e dhëndrit dhe nuses, të cilët u bënë dëshmitarë të këtij momenti të veçantë.
I pranishëm ishte edhe ish-deputeti, Namik Dokle, i cili i rrethuar edhe nga mbesat dhe nipërit e tij, dhe në krah të Veliajt nuk e fsheh gëzimin e tij për martesën e djalit të tij.
