Një qen “hero” ngordhi pasi kafshoi një kabell të energjisë elektrike teksa po përpiqej të shpëtonte jetën e pronarit të tij, i cili u godit nga rryma elektrike.
Ngjarja ndodhi në Tamil Nadu të Indisë, ku një fermer 65 vjec kishte nxjerrë lopën e tij për kullotje.
Lopa preku një kabell të energjisë elektrike, të cilin fermeri nuk e kishte parë, raporton Times Of India.
Kablli kishte rënë nga erërat e forta dhe shiu dhe kafsha ra në tokë nga kontaktin që patin me rrymën.
Fermeri u përpoq ta shpëtonte atë, por tragjikisht u godit dhe ai gjithashtu nga rryma elektrike.
Qeni i fermerit, i quajtur Ramu, erdhi në ndihmë të pronarit të tij. Ai e kafshoi kabllin dhe u përpoq t’ia hiqte fermerit, por u godit nga rryma dhe ngordhi në vend.
Sipas New Indian Express, të afërmit e fermerit dëgjuan britmat e qenit dhe shkuan për të parë se c'po ndodhte, por i gjetën të tre të vdekur. Qeni e kishte ende kabllin të kafshuar me dhëmbë.
