Para gazetareve që mbulojnë zhvillimet në Parlament, ministri grek i Mbrojtjes, Panos Kammenos ka thënë se arrestimi i dy ushtarakëve grekë pak metra brenda kufirit turk 35 ditë më parë ishte i planifikuar nga Ankaraja për t’u përdorur me pas politikisht dhe ka theksuar se në një vend ku drejtësia funksionon me urdhër të sulltanit, paraburgimi i tyre mund të shkojë deri në 15 vjet.
I pyetur nese Athina ka ura komunikimi për këtë çështje me Ankaranë ai është përgjigjur: “Çfarë ura komunikimi? Këtu po flasim për Erdoganin që del e shan publikisht SHBA, Netanjahun. Po flasim për një njeri që është çmendur krejtësisht. Si të komunikosh me të?”
Ministri Kammenos, ka nënvizuar gjithashtu se Greqia është serioze ne pozicionimin e saj, por ne se shkelet sovraniteti territorial i saj do te përgjigjet ashtu sic duhet. Nuk do te biem pre e provokimeve për të luajtur një loje tensionesh”- ka thëne ai. Por orët e fundit pas shfaqjes dhe përshëndetjes së presidentit Erdogan në Shen Sofi me katër gishta, simbolin e “Vëllazërisë myslimane”, si dhe deklaratat e tij me rroba ushtarake duke kritikuar kreun e qeverise greke – edhe Athina ka rritur tonet.
