Me qindra protestues të shoqërisë civile janë grumbulluar sërish para kryeministrisë për të kërkuar informacione rreth marrëveshjes me Greqinë për çështjen e paktit detar.
Kjo është e dyta protestë që zhvillohet para kryeministrisë, ndërsa nga ana e saj qeveria është justifikuar me faktin se nuk ka asnjë marrëveshje të arritur për ‘faljen’ e 12 miljeve territor ujor palës greke.
Edhe pse Rama dhe ministri i tij, që ka bërë negociatat me grekët, Ditmir Bushati, mundohen që ta justifikojnë faljen, duke e përkthyer në një marrëveshje, sot kanë dalë detaje të reja.
Shqipëria me vendim të Edi Ramës i ka falur Greqisë, dy fushat më të mëdha me gaz e naftë në detin Jon. Pak ditë më parë shoqëria civile i ka dorëzuar Edi Ramës një letër ku i ka kërkuar arsyet se pse ka falur detin.
