Ish-mesfushori i Portos dhe Marsejës, Lucho Gonzales, po hetohet nga policia, pasi gruaja e tij e akuzoi për tentativë vrasjeje. Ngjarja ka ndodhur në 8 dhjetor dhe që atëherë Lucho është ndaluar t'i afrohet gruas në një rreze prej 500 metrash dhe është ndaluar të shohë fëmijët e tij për 90 ditë.
“Ai u përpoq të më mbyste dhe të priste damarët e dorës, më vari nga një shkop dhe i thirri fëmijët e mi që të më shihnin tek bija nga ballkoni. Punonjësit tanë thirrën policinë dhe ai u largua duke më kërcënuar”, tha gruaja e tij në deklaratën pas ngjarjes.
