Filantropja MacKenzie Scott, ish-gruaja e themeluesit të Amazon Jeff Bezos, ka dhuruar 2.7 miliardë dollarë të tjerë për një sërë organizatash bamirëse. Scott tha në një postim në blog se dëshironte t’u jepte para atyre që “ishin anashkaluar historikisht”.
Ajo shkroi se pasi kishte punuar me një ekip studiuesish dhe bashkëshortin e saj të ri, mësuesin e shkencave Dan Jewett, kishte zgjedhur 286 organizata që punojnë në pabarazinë racore, artet dhe arsimin.
“Në këtë përpjekje, ne drejtohemi nga një besim përulës se do të ishte më mirë nëse pasuria joproporcionale nuk do të përqendrohej në një numër të vogël duarsh dhe se zgjidhjet hartohen dhe zbatohen më së miri nga të tjerët.”
Scott është një nga gratë më të pasura në botë. Pjesa më e madhe e pasurisë së saj vjen nga divorci me Jeff Bezos, në vitin 2019, i cili aktualisht është njeriu më i pasur në botë.
Si pjesë e marrëveshjes, zonja Scott përfundoi me 4% të aksioneve të Amazon, pasi kishte ndihmuar Bezos të fillonte gjigantin e teknologjisë në 1994.
Filantropja, e cila njihet për donacionet e saj bamirëse, në dhjetor dhuroi më shumë se 4 miliardë dollarë $ në vetëm katër muaj për organizata bamirëse të drejtuara nga gratë, bankat e ushqimit dhe kolegjet Black.
Pavarësisht vlerës së lartë të këtyre donacioneve, ajo është ende personi i 22-të më i pasur në botë, me vlerë 59.5 miliardë dollarë, sipas Forbes.
Në 2019, ajo nënshkroi “Betimi i Dhurimit”, duke premtuar të jepte pjesën më të madhe të pasurisë së saj.
Nisma u iniciua nga Bill dhe Melinda Gates dhe Warren Buffett në 2010 dhe nënshkruesit e tjerë përfshijnë si krijuesi i Star Wars George Lucas.
