Koreografi i trupës së baletit të Tv Klan, Albi Nako ishte i ftuar në emisionin “Xing me Ermalin” ku përmes humorit i ka dhënë përgjigje disa pyetjeve lidhur me divorcin dhe marrëdhënien me ish-bashkëshorten Klaudia Pepa.
Nako tha se u emocionua kur pa videomesazhin e Klaudias, por jo për frazën ku ajo e quajti vëlla, por nga distanca dhe koha e gjatë që nuk janë takuar.
“Mos të lëntë Zoti pa motër në këtë jetë. Momenti emocional i imi nuk ishte për frazën, se ajo u interpretua në mënyra të ndryshme, por nga distanca dhe nga koha e gjatë që nuk jemi parë. Normalisht jemi njerëz dhe prekemi. Ishte një lloj prekje, por për videon në tërësi, jo për frazën që ajo më quajti vëlla. Unë nuk ndjeva asgjë”, tha Nako./tvklan.al/
