Luana Vjollca ka ngjallur sërish kureshtjen e ndjekësve të saj në rrjetet sociale, pas një fotografie të publikuar në “InstaStory”. Moderatorja ndau një imazh nga një drekë, ku shihen dy gota të ngritura për një dolli.

Në foto duket vetëm dora e personit që e shoqëronte, ndërsa identitetin e tij nuk e ka zbuluar. Ky detaj ka mjaftuar që në rrjetet sociale të nisin komentet dhe hamendësimet mbi personin që ishte në shoqërinë e moderatores. Në fotografi dallohen vetëm disa elementë, si tatuazhet në krah dhe ora në dorë, pa asnjë tregues tjetër për identitetin e tij.

Deri më tani, Luana nuk ka dhënë asnjë shpjegim apo detaj shtesë, duke lënë të paqartë nëse bëhet fjalë për një mik, bashkëpunëtor apo dikë tjetër. Si shpeshherë, moderatorja ka zgjedhur të ruajë privatësinë e jetës së saj personale, ndërsa postimi ka tërhequr vëmendjen e ndjekësve dhe ka nxitur diskutime në rrjet.

E tashmë që moderatorja ka nisur pushimet, vëmendja në rrjetet e saj sociale është shtuar. Luana këto ditë po i kalon në jug të vendit së bashku me mikeshat e saj. Si gjithnjë me format bombastike që gëzon, ajo ka ndarë me ndjekësit e saj copëza të këtyre ditëve. Teksa ajo admiron natyrën e bukur të jugut, ndjekësit adhurojnë sharmin e saj. Kjo verë e ka gjetur single Luanën, duke shijuar kështu verën në shoqërinë e mikeshave të saj. Nuk dihet nëse nën shoqërinë e moderatores është edhe ndonjë djalosh me të cilin ajo ka nisur një lidhje kohët e fundit.

Duke e njohur për natyrën e saj hermetike sa i përket jetës private, vështirë se vetë Luana do të zgjedhë që të flasë për një romancë. Por ajo që shohim me siguri, është fakti se këto ditë të nxehta, Luana nuk paska qenë edhe aq vetëm sa mendonim. E teksa të gjithë kanë kuriozitet për jetën sentimentale të sajën, artistja duket se është e fokusuar që të flasë vetëm për karrierën e biznesin, duke preferuar mos të zbulojë më shumë.

Kujtojmë se lidhja e saj e fundit publike ishte me Krenar Çoçajn. Prej më shumë se 7 vitesh bashkë, çifti i dha fund me shumë probleme këtij raporti. Në media shpesh është raportuar se një tjetër djalë ja ka fituar zemrën bjondes seksi. Megjithatë deri më tani, ka qenë e pamundur që të shohim sërish prezantuesen në shoqërinë e një djali. E deri sa fotot e para të bëhen publike, ne do të vazhdojmë të pyesim, se kush është djaloshi që e ka shoqëruar këto ditë të nxehta vere.