Është diskutuar edhe më përpara në media fakti se Marina Vjollca nuk do të jetë më pjesë e Top Medias, sepse pas lidhjes me reperin Getoar Selimi jeta e saj mori një tjetër drejtim.
Megjithatë Marina u shfaq edhe sezonin që sapo mbaroi në programin ‘Procesi Sportiv’ që transmetohej në Top Channel.
Por burime pranë Blitz.al bëjnë me dije se Marina ka vendosur të dorëhiqet sepse dëshironte që të kishte një program të sajin pa qenë kështu pjesë plotësuese duke bërë bashkë-prezantuesen me një tjetër person siç ka ndodhur në ‘Procesi Sportiv’, në krah të Edi Manushit.
Të njëjtat burime tregojnë për Blitz.al se nëse Marinës nuk do t’i jepet një mundësi të ketë një program të sajin atëherë ajo do të largohet nga ekrani i Top Channel sepse ka pasur edhe oferta të tjera shumë të mira nga televizione të tjera.
