Një automjet që lëvizte me shpejtësi të madhe terrorizoi pasditen e sotme banorët e Beratit. Shtetasi Ilirjan Çereni ka përplasur me makinën e tij 5 automjete të tjera, para se të kapej nga policia.

Fatmirësisht nuk ka patur viktima nga ngjarja e pazakontë që ndodhi në pedonalen e qytetit. 35-vjeçari u ndalua në dalje të qytetit, në përpjekje për t’u larguar. 

Burime zyrtare nga drejtoria lokale e policisë bëjnë me dije se drejtuesi i mjetit ka qenë në gjendje të dehur.