Bradley Cooper dhe Irina Shayk janë bërë prindër për herë të parë dy javë më parë, sipas People. Asnjë detaj nuk u dha më shumë të dielën kur u zbulua lajmi, por E! arriti të gjente që fëmija është vajzë, përcjell revista "Class". Prindërit e kanë quajtur Lea de Seine Shayk Cooper. Interesante…dhe trés francez!
"Ata janë të dy shumë të gëzuar dhe ndihen të bekuar", ka thënë një burim për revistën.
Ata ende nuk kanë folur për mediat, për këtë ngjarje, megjithatë na rezulton që rreth nëntë muaj më parë kanë qenë në Paris duke shëtitur edhe buzë lumit të Senës….
Nuk e dimë nëse Seine ka të bëjë me këtë udhëtim, por nëse po do të ishte shumë romantike.
