Një sasi e vogël heroine është kapur këtë të mërkurë teksa po tentohej të futej në burgun e Drenovës.
Sipas informacioneve paraprake, thuhet se gardianët kanë sekuestruar 12 gramë heroinë, e cila u gjet në oborrin e burgut dhe ishte e futur në një qese. 
Dyshohet se heroinën e ka futur ndonjë familjar ose i burgosur që ka dalë me leje. Qesja është marrë nga policia për të parë shenjat e gishtave. 
Pas zbulimit të këtij rasti është shkarkuar shefi i policisë së burgut të Drenovës, Adriatik Parizi dhe 7 efektivë të tjerë në varësi të tij. 
Policia është duke vazhduar hetimet në lidhje me këtë rast.