Dinamo e Olsi Ukut ka mposhtur me rezultatin 2-0 ekipin durrsak, falë dopietës së Kelos. Në fraksionin e parë blutë ishin më të qartë dhe Kelo çoi skuadrat në pushim me shifrat 1-0. Ndërsa në 45 minutat e dyta, skuadra dinamovite shfrytëzon lojën konfuze të Teutës, duke shënuar edhe golin e dytë, me të njëjtin autor, pikërisht Kelon.
Shkëndija e Durrësit i merr një pikë të artë Flamurtarit kryesues. Djemtë e Kërçovës kanë barazuar në pjesën e dytë pas golit të shënuar fillimisht nga Haruni për vlonjatët. Karepi barazoi shifrat dhe rezultati mbeti deri në fund i pandryshuar. Skuadra e mjeshtërisë sportive tentoi të shënonte edhe golin e fitores, por nuk ia arriti.
