Ashtu siç është bërë traditë në vite, Drejtoria Arsimore Rajonale ka organizuar aktivitetin “Mësuesi i Vitit 2017”, ku janë nderuar me këtë titull 10 mësuesit e përzgjedhur nga shkolla të ndryshme të qytetit të Durrësit. Këtë vit u nderuan edhe tre drejtues shkollash e dy mësuese të arsimit parashkollor.
Në ceremoninë e zhvilluar në Pallatin e Kulturës,për aktivitetin në fjalë, të pranishëm ishin shumë arsimtarë, ku simbolikisht vlerësohen mësuesit më të mirë të vitit. “Profesioni i mësuesit është një mision fisnik”,- deklaroi në fjalën e saj përshëndetëse Lindita Muka drejtuese e D.A.R.
E pranishme ne aktivitet ishte dhe zv./ministrja e Arsimit dhe Sportit Nora Malaj, e cila vlerësoi punën dhe kontributin e dhënë nga mësuesit e Durrësit e të gjithë Shqipërisë në mirërritjen e brezit të ri dhe edukimin e tyre.
14 mësues ishin përzgjedhur nga stafet pefagogjikë për t’u vlerësuar me këtë titull, midis tyre tre drejtues shkollash.
Si drejtues shkollash u vlerësuan:
Arben Peza;
Zamira Metaj;
Tomor Agalliu.
Mësuesit e vitit u shpallën:
Sadik Reçi;
Serbese Nikoçi;
Pashe Zogu;
Mimoza Haxhi;
Aida Metaliaj;
Bujar Mezi;
Ermira Guleksi;
Gentiana Simaku;
Lindita Kumanova;
Lumturi Macukulli dhe Lindita Hasho e përzgjedhur nga cikli arsimor parashkollor nga kopshti “1 Qershori”.
K.H.
