Portieri belg, Ruud Boffin, shpëtoi një pikë të vonë për skuadrën e tij, Eskisehirspor, me një silur “gjahtarësh”, goditje mjaft të gjatë, e cila fluturoi e përfundoi në rrjetën e kundërshtarit, në barazimin 2-2 me Umraniyespor, të dielën. Kjo ndeshje luhej për hesap të ligës së dytë turke. Eskisehirspor kaloi në epërsi me anë të Semih Senturk, por golat e Ibrahim Akdag dhe Samet Asatekin e vunë Umraniyespor në epërsi. Portieri provoi të ishte hero për skuadrën e tij, teksa e goditi fort topin, në një trajektore të çuditshme, i cili përfundoi duke e kaluar vijën fatale të portës kundërshtare. Goditja ishte nga distanca, në një largësi prej 70 metrash. Një gol i rrallë, video e të cilit ka nisur të bëjë tashmë xhiron e mediave të botës.