Prej pak ditësh nëpër kinematë e kryeqytetit ka filluar të shfaqet filmi "WAR DOGS" i cili flet ndër të tjera për historinë e Efraim Diverolit, emri i të cilit u lakua në lidhje me skandalin e armatimeve që implikonte edhe shtetin tonë disa vite më parë. Disa skena të filmit pretendohet sikur janë xhiruar në Shqipëri madje edhe në Tiranë, por realisht ato nuk janë filmuar fare në vendin tonë. Autorët i kanë xhiruar skenat në disa lagje të pista e të varfra të Rumanisë duke u përpjekur ta paraqesin Shqipërinë si një vend të botës së tretë, shkruan "Jeta osh qef". Sigurisht nuk mund të thuhet se gjërat tek ne janë fushë me lule, por ato pamje të paraqitura kanë dukshëm një tendencë negative.