Ish-lojtari i Barcelonas Dani Alves ishte gati të dhuronte ilaçe pak ditë më parë për të ndihmuar njerëzit të luftonin hepatitin C në Venezuela, por shteti i udhëhequr nga Nicolas Maduro ka refuzuar iniciativën e brazilianit. Alves prej vitesh është një ambasador i fushatës e cila ka si synim të ndërgjegjësojë dhe ndihmojë njerëzit rreth sëmundjes së rëndë. 33 vjeçari kishte planifikuar të dërgonte ilaçe pasi drejtoi i shoqatës civile kundër Hepatitit C bëri një thirrje ndihme në mediet sociale dhe medien vendase. Alves ka dhuruar rreth 300 trajtime për viktimat e kësaj sëmundjeje në Bolivi gjatë qershorit të kaluar. dhe me rolin e tij të ri si ambasador ai premton se do të financojë trajtime të ndryshme për të luftuar hepatitin C.