Deputeti socialist Erjon Braçe ka konfimuar krisjen e koalicionit qeveritar këto javët e fundit teksa palët përpiqeshin të gjenin konsensus me opozitën për të shkuar drejt një miratimi me konsensus të reformës në drejtësi, të enjten e 21 Korrikut.
“E ardhmja e koalicionit e ndikuar nga marrëdhëniet e krijuara këto javë. Situata e krijuar ka lënë shenjë në mirëqenien e koalicionit.
U takon krerëve të dy partive të ulen të diskutojnë sy më sy, hapur e pa asnjë rezervë. Me rëndësi që diskutimi të jetë i hapur, i ndershëm”, ishte prononcimi i dhënë nga Brace për mikrofonin e “Ora news”, përpara Parlamentit.
Tonet e kryetarit të Kuvendit Ilir Meta u rritën sot me kreun e komisionit të posacëm për reformën në drejtësi Fatmir Xhafa, ku i kërkoi këtij të fundit llogari pse nuk ishte mbledhur mbrëmjen e djeshme komisioni që të futeshin në draft edhe ndryshimet e arritura pas letrës së komisionierit Hahn.
