Një shpërthim i fortë është dëgjuar në kryeqytetin e Turqisë Ankara të martën pasdite. Dyshohet se shpërthimi mund të ketë ndodhur në godinën e televizionit shtetëror.
Agjencia e lajmeve “Anadolu” ka raportuar sot se rregullatori i mediave turke ka anuluar të gjitha të drejtat dhe licencat për çdo media që akuzohet për lidhje me grushtin e shtetit apo për çdo grup të akuzuar.
Disa foto të postuara në mediat sociale tregojnë tym të zi që përhapet në qiellin e Ankarasë.
Fluturimet tregtare aktualisht po shmangin hapësirën ajrore rreth kryeqytetit.
Por, një gazetar që ka qenë i pranishëm në vendngjarje thotë se e gjitha kjo mund të jetë vetëm një shtëpi e përfshirë nga flakët.
