Mohamed Lahouaiej Bouhlel, një shofer kamioni profesionist rezulton se ka përdorur njohurit për protokollin për të ekzekutuar qytetarët në Ditën e Bastijës.
Autoritetet bëjnë të ditur se 31-vjeçarit kishte parkuar në rrugë për rreth nëntë orë para se të kryente sulmin masiv.
Në momentin që e ka pyetur policia, pse qëndron aty, u ka thënë atyre se po shkarkonte akullore.
Ai ka lindur në Tunizi, por pjesën më të madhe të jetës së tij e ka kaluar në Francë.
Bouhlel rezulton se ka qenë i martuar dhe ka tre fëmijë dhe punonte si shofer kamioni.
31-vjeçari ka qenë i njohur për policinë pasi është arrestuar më parë për dhunë dhe grabitje.
Në kamion, policia i gjeti armë të rënda, pistoletë si dhe granata.
Policia pavarësisht se e pyeti atë për ndalimin e kamionit, oficerët nuk bënë asgjë për ta larguar.
Ata e lejuan Mohamed Bouhlel të qëndronte në Promendade des Anglais, pasi ai pretendoi se po shkarkonte akullore.
Edhe pse kamionët dhe makineritë e ënda ishin ndaluar që të lëviznin në rrugë gjatë festave kombëtare dhe të dielave.
Por, Mohamed Bouhlel u lejua të qëndronte pasi ai e dinte se makinat që sjellin furnizime lejohen ndonjëherë që të shkelin rregullat.
Pak orë pas sulmit, policia shoqëroi të afërmit dhe miqtë e 31-vjeçarit.
Bouhlel jetonte në zonë e Nice-s dhe fqinjët e përshkruajnë atë si “të vetmuar” dhe person “të qetë” dhe si dikush që nuk i kthente asnjëherë përshëndetjet e tyre.
Fqinjët e tij thonë se ai nuk ishte besimtar dhe madje nuk ka agjëruar.
Së fundmi, pas divorcit ai u bë një person “depresiv dhe i paqëndrueshëm”.
Bouhlel ishte i liruar me provë për 15 ditë pasi përplasi katër makina në autostradë nga përgjumja në timon.
