Një i ri shqiptar ka aksidentuar për vdekje një grua dhe një fëmijë në Itali.
Ngjarja e rëndë ka ndodhur mbrëmjen e së mërkurës në Brescia, ku nga përplasja humbën jetën 37-vjeçarja Annamaria Zippone nga Puglia dhe një vajzë 10 vjeçe, Gaia Botticchio, të cilat udhëtonin në një tjetër mjet që drejtohej nga nëna e fëmijës së vdekur.
Mësohet se në këtë makinë ishin edhe dy fëmijë të tjerë 10 dhe 7 vjeç, fëmijët e viktimës, të gjithë banorë në Sirmione.
Menjëherë pas aksidentit, të mbijetuarit u dërguan për ndihmë mjekësore dhe ndodhen jashtë rrezikut për jetën.
Ndërsa shqiptari i moshës 21 vjeç, që udhëtonte nga Breshia për në Verona, u arrestua. Sipas medieve italiane, ai po drejtonte mjetin në gjendje të dehur në momentin e aksidentit.
Policia po vijon hetimet për zbardhjen e shkaqeve.
