Blutë e Komisariatit të Policisë nr. 2 në Tiranë kanë finalizuar operacionin e koduar “Skifteri”, duke vënë në pranga një hajdut që vidhte nëpër makina kasetofonë apo sende të tjera që mund të gjente brenda tyre.
Policia bën të ditur se u arrestua Elton Premçe, 38 vjeç, banues në Tiranë , i cili është dënuar më parë në Francë për vjedhje.
38-vjeçari është kapur në flagrancë duke vjedhur kasetofonin e mjetit tip "Volkswagen" në pronësi të shtetasit G. S.
Policia ka dokumentuar një sërë vjedhjesh të ndodhura në juridiksione të ndryshme, ku ky shtetas dyshohet të jetë autor i mundshëm si më poshtë:
Më datë 09.06.2016, vjedhje e kasetofonit në mjetin tip "Smart" në pronësi të shtetases O. S.
Më datë 10.06.2016, vjedhje kasetofonit në mjetin tip "Smart" në pronësi të shtetases A. S.
Më datë 29.03.2016, vjedhje e sendeve në brendësi të mjetit tip "Mercedes Benz" në pronësi të shtetases A. B.
Më 29.03.2016, vjedhje e sendeve në brendësi të mjetit tip "Mercedes Benz" në pronësi të shtetasit F. Gj.
Më datë 14.05.2016, vjedhje e kasetofonit në mjetin tip "Volkswagen" në pronësi të shtetasit Xh. N.
Më datë 17.05.2016, vjedhje e kasetofonit në mjetin tip "Opel" në pronësi të shtetases M. Q.
