• Në shumë vende evropiane, sot shënohet Dita e Kujtesës, për të mos harruar shfarosjen naziste të gjashtë milion hebrenjve.

 27 janar 2015 –  Përkujtimi i kësaj date i referohet asaj çka ka ndodhur gjatë Luftës së Dytë Botërore.

E Dita e Kujtesës të shfarosjes së hebrenjve nga nazistët shënohet me emocion të posaçëm në Poloni, në territorin e së cilës ndodhej kampi i përqendrimit, ku zakonisht janë prezentë personalitete evropiane dhe të mbijetuar nga kampi i përqendrimit, veteranë të luftës dhe qytetarë.

Po kujtojmë se në vitin 2005, OKB e caktoi datën 27 Janar – datë e çlirimit të kampit të Aushvicit – si një Ditë Ndërkombëtare në kujtim të Shoahut, për t’i nderuar hebrenjtë dhe miliona të tjerë që u vranë nga nazistët gjatë luftës.

Vlerësohet se afro 1.5 milionë hebrenj evropianë janë vrarë në Holokaust, së bashku me 4.5 milionë hebrenj të tjerë, përfshirë meshkuj dhe femra. Kombet e Bashkuara kërkojnë nga vendet anëtare që të nderojnë viktimat e epokës naziste dhe të zhvillojnë programe arsimore që ndihmojnë në parandalimin e gjenocidit në të ardhmen.

Në qoftë njeri ky…
 
 
Ju që jetoni të sigurt
Në shtëpitë tuaja të vakëta,
Ju, që kur ktheheni në shtëpi mbrëmjeve
Gjeni ushqim të ngrohtë e fytyra miqësore:
Vëzhgoni në qoftë burrë ky
Që punon në baltë
Që nuk njeh prehje
Që lufton për një gjysm’ buke
Që vdes nga një po a një jo.
Vëzhgoni në qoftë grua kjo,
Pa flokë e pa emër
Pa fije force për të kujtuar
Të zbrazur sytë e bosh prehri
Si një bretkosë në dimër.
Vritni mendjen se kjo është gjendja:
Ju urdhëroj me këto fjalë.
Gdhendini në zemrat tuaja
Tek rrini në shtëpi tek shkoni udhës,
Tek shtriheni tek ngriheni;
Përsërituani fëmijëve tuaj.
O ju shkatërroftë shtëpia,
Ju zëntë sëmundja,
Bijtë tuaj mos ju pafshin me sy.
 
                      Primo Levi