19 nëntor 2014 –  Shqiptari që mundi të futej në fushën e lojës në ndeshjen Itali-Shqipëri është bëri i famshëm jo vetëm mes shqiptarëve por edhe në vendin fqinj. Me një flamur kombëtar në dorë, ai iu drejtua kapitenit Lorik Cana duke i kërkuar një autograf dhe pasi e mori atë u largua i qetë mes ovazioneve të publikut. Komentatorët italianë të ndeshjes e pritën shumë mirë veprimin e tij dhe teksa dilte thanë fjalët: "Invazuesi më paqësor në historinë e futbollit".