Presidenti amerikan, Donald Trump i paralajmëroi forcat iraniane të hënën se do të “hidhen në erë nga faqja e dheut” nëse do të përpiqeshin të sulmonin anijet amerikane në Ngushticën e Hormuzit ose në Gjirin Persik.
Në intervistën telefonike me Fox News, Trump tha gjithashtu se negociuesit iranianë po bëheshin shumë më të lakueshëm sesa ishin më parë.
Trump ka bërë kërcënime të ngjashme edhe më parë por këtë herë, ato u shoqëruan me disa veprime ushtarake që do të vënë në provë një armëpushim të zgjatur midis dy vendeve.
Presidenti tha në Truth Social se ushtria qëlloi shtatë anije iraniane në ngushticë pasi Teherani shënjestroi anije të tjera që përpiqeshin të kalonin kalimin.
Trump i tha gjithashtu Fox News se sheh dy rrugë përpara: Arritjen e një marrëveshjeje me mirëbesim ose rifillimin e operacioneve ushtarake.
