Shefi i të drejtave të njeriut i OKB-së, Volker Turk, paralajmëroi se Inteligjenca Artificiale mund të bëhet aq e fuqishme sa të përbëjë një kërcënim për njerëzimin, duke shtuar se do të nxisë kompanitë të zvogëlojnë rreziqet.
“Unë ndaj shqetësimet e ekspertëve të industrisë se inteligjenca artificiale e përparuar mund të paraqesë një rrezik ekzistencial për njerëzimin”, tha ai në Këshillin e të Drejtave të Njeriut të OKB-së në Gjenevë, në një fjalim të gjerë përpara se të fillonte mandatin e tij të dytë muajin e ardhshëm.
Më tej, ai shtoi se duhet të bëhen përpjekje për të vendosur garanci në lidhje me sigurinë dhe mbrojtjen përpara se të jetë vonë.
“Bëj thirrje këtu sot që të bëhen të gjitha përpjekjet për të vendosur garanci të palëkundura në lidhje me sigurinë dhe mbrojtjen e inteligjencës artificiale, përpara se të jetë tepër vonë.”, shtoi ai.
