30 janar 2014 – Gazeta greke "To Vima"  ka shkruar sot se i arrestuari Julian Sinanaj ka pranuar se ka bërë 27 vrasje në Shqipëri, Itali dhe në Greqi, ku ka jetuar që 14 vjeç. "Kam marrë pjesë në shpërthimet në gjykatën e Selanikut në maj 2010, në zbatim të urdhrit që më dha një anëtar i një partie politike.   Gazeta greke shton se autoritetet shqiptare, kanë deklaruar se mes krimeve të dyshuara 30-vjeçari Julian Sinanaj, ka pranuar se ka vrarë dy persona më 1 korrik të vitit 2011, jashtë restorantit “Mamacas” në Gazi në tokën helene. Njëri prej personave të vrarë mendohet të ketë qenë i përfshirë në një rreth grabitjesh dhe më herët kishte bërë edhe një grabitje në Zvicër, ndërkohë që personi tjetër ishte i pafajshëm.   Policia greke, ka dërguar një grup personash për të marrë në pyetje 4 personat në Shqipëri, për të nxjerrë në fund nëse Sinanaj, ka qenë i përfshirë në krimet që ka deklaruar, nëse e ka ekzagjeruar, apo ka motive të tjera. Autoritetet shqiptare, thonë se 30 vjeçari është një vrasës i pamëshirshëm dhe se i janë marrë shumë seriozisht akuzat.