20 dhjetor 2013 – Zëdhënësja e Departamentit Amerikan të Shtetit, Mari Harf ka deklaruar gjatë ditës së sotme se SHBA mbështet Shqipërinë në integrimin e saj në Europë. Gjithashtu, SHBA mbështet edhe përpjekjet e Maqedonisë, për integrimin euroatlantike të saj. Harf ka deklaruar se, “presim me padurim ditën kur këto dy vende do të integrohen tërësisht në institucionet europiane”.   “Integrimi i tyre në institucionet europiane do të thellonte marrëdhëniet dhe partneritetin tonë me ta mes Shqipërisë dhe Maqedonisë”, ka deklaruar zëdhënësja e Departamentit Amerikan të Shtetit, Mari Harf në një reagim të saj pas shtyrjes që BE-ja dha për statusin e Shqipërisë.