TIRANE – Dy fëmijë janë plagosur pasditen e sotme në kryeqytet, pasi u përplasën nga një automjet teksa udhëtonin me biçikletë. Ngjarja ka ndodhur pranë zonës së Selvisë në Tiranë, ku dy fëmijët 16 dhe 11 vjeç janë përplasur nga një makinë, e cila është larguar menjëherë nga vendi i ngjarjes. Fatmirësisht fëmijët nuk kanë marrë plagë të rënda, por gjithsesi janë dërguar në spital për kontrollet dhe mjekimet e nevojshme. Efektivët e policisë kanë mundur të identifikojnë drejtuesin e makinës, F. Ymeraj  47 vjeç, dhe pak orë pas ngjarjes e kanë shoqëruar atë në komisariat. 


Ndërkohë policia po vijon hetimet për të zbardhur shkaqet e aksidentit.