27 tetor 2013- Një raport në revistën gjermane, Der Spiegel, thotë se agjencitë e inteligjencës së Shteteve të Bashkuara ndoshta e kanë pergjuar  telefonin celular  të kancelares gjermane, Angela Merkel, qe nga viti 2002.Sipas revistës, presidenti amerikan, Barack Obama, i ka thënë zonjës Merkel nese ata do ta kishin ditur do ti kishin ndaluar pergjimet. Duke cituar një dokument sekret nga viti 2010, në raport theksohet se Agjencia Kombëtare e Sigurisë (NSA) e ka vendosur  sistemin e spiunimit në afro 80 vende në mbarë botën, përfshirë Berlinin, Parisin, Madridin dhe Pragën.Ky zbulim u bë në periudhën kur zyrtarët e inteligjencës gjermane po përgatiten të udhëtojnë për në Uashington, javën e ardhshme, për të diskutuar për aktivitetet e shërbimeve amerikane të spiunimit.Nga ana tjetër, mbrëmë në Uashignton, qindra njerëz janë mbledhur për të protestuar kundër programeve të vëzhgimit elektronik të Shteteve të Bashkuara.Rrezja e gjërë e spiunimit në mbarë botën nga agjencitë e inteligjencës së Shteteve të Bashkuara, është zbuluar këtë vit, nga ish-kontraktori i inteligjencës amerikane, Edward Snowden, i cili nga autoritetet amerikane akuzohet për spiunim. Ai aktualisht gjendet në Rusi, ku i është dhënë azil i përkohshëm.