17 shtator 2013- Tetë ditë pas sulmit me armë zjarri ku mbeti e vdekur Majlinda Hoxha dhe u plagos Elton Fusha, policia ka arrestuar të dyshuarin kryesor për këtë krim.

Ngjarja ka ndodhur në 9 shtator në një lokal bastesh sportive në zonën e ish bllokut dhe objekt I sulmit ku mbeti e vrarë ekonomistja e lokalit, ishte pronari Fusha.
Me anë të një njoftimi për shtyp zëdhënësja e policisë Laura Totraku sqaroi se bëhet fjalë për nënoficerin e shkollës së bashkuar, Ndriçim Balla.Ky I fundit u arrestua nga skuadra e operacioneve speciale e policisë së Tiranës me akuzën e vrasjes së Hoxhës dhe plagosjes së Fushës.Burimet thanë se shkak për ngjarjen ishte një shumë prej 25 mijë lekëve të reja, të cilat Fusha nuk ia kishte dhënë vëllait usta të Ballës, për një punë që ai I kishte kryer në lokal.