13 gusht 2013- Shkencëtarët e Universiteti të Lancaster, në Britani, pretendojnë se kanë zbuluar “testin e vdekjes”. Bëhet fjalë për një analizë, që realizohet me anë të një lazeri dhe shërben për të vlerësuar gjendjen shëndetësore të pacientit. Sipas ‘Sunday Times’, ky lazer është në gjendje “të parashikojë” datën e vdekjes, por edhe të arrijë të individualizojë praninë e sëmundjeve të rënda si kanceri apo Alzheimer. Laseri është i inkorporuar në një lloj ore që vendoset në puls. Në momentin që vendoset, impulset që lëshon arrijnë të analizojnë qelizat që ndodhen nën epidermë duke arritur të zbulojnë se edhe sa kohë kanë mbetur për të jetuar në një shkallë nga 0 deri në 100.