Partia Demokratike i është drejtuar përmes një shkrese zyrtare KQZ-së, ku i kërkon t’i vihen në dispozicion të dhënat teknologjike.
Në letrën dërguar kreut të KQZ, Ilirjan Celibashi, Ivi Kaso, shkruan se nëpërmjet numëruesve dhe vëzhguesve në terren PD ka grumbulluar dhe është duke grumbulluar të dhëna lidhur me parregullsi të rënda në procesin zgjedhor, veçanërisht gjatë fazës së numërimit. Lidhur me këto pretendime, PD kërkon nga KQZ t’i vihen në dispozicion:
Pamjet filmike në cdo qendër votimi, pamje filmike të numërimit të fletëve të votimit, të dhënat e grumbulluara nga pajisjet e identifikimit, të dhënat e kryqëzuara ndërmjet pajisjeve të identifikimit elektronik dhe listave të zgjedhësve të nënshkruar mekanikisht.
