DURRËS,5 gusht 2013 -Një familje kosovare bën apel për gjetjen e nënës së tyre, e cila prej 6 ditësh rezulton e humbur në qytetin e Durrësit.
Sipas familjareve, gruaja që shihni në foto me emrin Xhyla Martet ka mbërritur 5 ditë më parë në Durrës, teksa ishte nisur nga Prishtina me linjën e autobusit. Por sapo ka mbërritur në qytetin bregdetar ka humbur çdo kontakt me familjen e saj në Kosovë dhe Suedi ku edhe jeton prej vitesh.
Numri i telefonit rezulton i fikur, ndërkohë që mësohet se ajo ishte nisur për të kaluar disa ditë pushimi në Durrës, ku kishte qenë dhe një vit më parë.
Familjaret apelojnë që kushdo i cili ka informacion për vendndodhjen e saj të njoftojë në numrin 068 65 44 577.
/balkanweb/
